Vandring

Vakre turområde

Rundt Sognefjorden finn du nokon av dei vakraste og mest populære områda for fotturar og toppturar i Norge. Jotunheimen Nasjonalpark har fantastiske turområde med Norges høgste fossefall, Vettisfossen, som er kåra til landets vakraste fossefall. Du finn i tillegg Aurlandsdalen, Rallarvegen, Keipen, Utladalen, Kongevegen og mange andre merka turløyper for alle rundt Sognefjorden.

Brevandring på breane i Jostedalsbreen Nasjonalpark – den største isbreen på det Europeiske fastlandet – er ei unik oppleving. Det er mange flotte turar å velje mellom i kvar einaste bygd ved fjorden. Du kan vandre på kulturstiar, spasere langs fjorden og historiske vegar eller gå fjellturar som gjev deg unik utsikt til fjordar, fjell og brear.

Er du på jakt etter vandring i område du skal reise til? Sjekk ut.no for kart.

Allemannsretten

Ein viktig del av kulturarven vår er å vere ute i naturen. Vi har frå gammalt av hatt rett til å ferdast i skog og mark, etter elvane, på innsjøar, i skjergarden og til fjells – uavhengig av kven som eig grunnen. Vi kan hauste av naturen – ikkje berre saltvassfisk, bær, sopp og blomstrar, men òg inntrykk og opplevingar.

Viss du ferdast og rastar i utmark, må du hugse:

• Ikkje kast søppel i naturen. Rydd opp og ta med søppelet heim. 
• Telt i utmark må ikkje forstyrre naboar. Slå leir minst 150 meter frå hus eller hytte. Telting i meir enn 2 døgn krever samtykke frå eigar. 
• å respektere ferdselsreglar i frilufts- og naturvernområde
• at somme stader er det utvida bandtvang og sett grenser for tilgjenget til å tenne bål, så set deg inn i lokale føresegner
• å bruke etablerte raste- og teltplassar der dette er mogleg
• å vere forsiktig med eld og sløkkje bålet heilt før du forlèt det
• å ikkje skade tre når du skal finne ved til bålet – bruk tørre kvister som du finn på bakken
• at du ikkje må leggje bålplassen rett på svaberget slik at berget sprekk
• å ikkje ta snarvegar over innmark, gjennom tun eller i nærleiken av hus og hytter der det bur folk
• å ikkje forstyrre dyre- og fuglelivet, spesielt ikkje i yngle- og hekketida
• å ikkje skade planteliv, særleg ikkje trua og sårbare artar
• å ikkje forstyrre husdyr på beite og å lukke grinder etter deg
• å respektere at andre brukarar kan ha behov for avstand og å ha det stille rundt seg