Sande Kyrkje

Om

Sande Kyrkje er hovudkyrkja i Gaular. Ei stilrein, enkel kyrkje som vart vigsla like før jul i 1864. Arkitekten til kyrkje var J. Lindstrøm og ein kan tydeleg sjå at kyrkjene i Bygstad og Viksdalen er modellar. Noverande kyrkje er den tredje i rekka av kyrkjer på Sande.

Sande kyrkje har 300 sitjeplassar. Det mest interessante med denne kyrkja er at den gjekk gjennom ei omfattande restaurering i krigsåra - då mest all kyrkjebygging i landet stansa. Både døypefonten og preikestolen er frå denne tida. Altertavla har hatt ei omskiftande historie frå ho var ny i 1620 og ombygd i 1795 og 1864 - og restaurert i 1945. Alterlysestakane i messing er frå 1686. Her er tre eldre klokker - den eldste frå 1200 talet.