Laksefiske i Nausta

Om

Nausta har sitt utløp i Førdefjorden og er lakseførande i 12 kilometer. Elva ligg i Naustdal kommune, 13 kilometer vest for Førde og 35 minutt frå Førde Lufthamn. Nausta som er eit av Noregs flottaste vassdrag, renn gjennom eit jordbruksområde og er omkransa av ein variert og fin natur. Elva er ei typisk flomelv, der vasstanden kan variere mykje på kort tid. Under lengre tørkeperiodar kan vasstanden i elva bli svært liten og bli eit hinder for fiske. Nausta er kjent som ei spennande elv for einhands flugefiske, med mange varierte og gode fiskeplassar over heile elva. Området under Naustdalsfossen er kjent som ein av Noregs beste fiskeplassar for laksefiske. Nausta vart i 2005 varig verna etter ein kortare vernekamp.