Haukedalen Kyrkje

Om

Haukedalen kyrkje vart bygd i 1885 av byggmeister Gjert Lien. I kyrkja er det plass til 120 personar. Arkitekten var H.S. Ekchoff.
Altertavla er frå 1692 er forma som eit altarskåp der dørene er utan dekorasjon. I midtfeltet er det eit måleri av kristus på korset og tre tilbedande kvinner. Preikestolen og døypefonten er frå 1885.
I kyrkja finn vi også eit spesielt vinanker - truleg til altervin med årstalet 1754 rissa inn.

Haukedalen kyrkje er bygd på staden der ei eldre kyrkje låg. Alterskåpet er frå denne kyrkja. Ei altertavle i barokk, frå 1673 som også var i den gamle middelalderkyrkja er i dag på Sunnfjord Musèum. Den dekoren vi ser i dag vart måla av Christen Kjelstad i 1794.
i 1928 fyllte eit stort snøras heile midtgangen i kyrkja. På sin veg frå fjellet hadde snøen teke med seg eit plantefelt og desse tømmerstokkane slo seg inn gjennom veggen bak alteret og fyllte heile alterringen og midtgangen heilt bak til inngangsdøra. Det vart funne både messehakel og kyrkjebøker i snøen.