Geiterygghytta

Om

Geiterygghytta opna i 1914, og er eit viktig knutepunkt for rutene frå Aurland, Hol og Finse. Naturen er storslått, vill og vakker. Den Norske Turistforening (DNT) har eit veldig godt utbygd rutenett i området. Like utanfor hyttedøra finn du milevis med kvista løyper og rikeleg med snø.

Turar rundt Geiterygghytta

Med Geiterygghytta som utgangspunkt kan du velge og vrake i turmål, og hytta er utgangspunkt for å gå klassikaren Aurlandsdalen, og innfallsport til Hallingskarvet nasjonalpark. Kanskje får du besøk av fjellrein og villrev på turen. Hytta er lett tilgjengeleg for små og store, med berre 3 km spaserstur langs fjellvegen frå fylkesveg 50.

Mat og servering

På Geiterygghytta serverer vi fjellkost som gir god sømn og energi til lange dagsmarsjar. Vi er stolte over å tilby kjøt og fisk som enten er skote eller fiska av vertskapet sjølve eller handla lokalt. Frukt og bær haustar vi i fjellet i Hallingdal eller i frodige sognebygder. Av dette lagar vi smakfullt syltetøy som du får servert på frukostbordet, og freistande dessertar.

Opningstider

Hytta er vinteropen frå mars til starten av mai. Sommarsesong frå midtsommar til sluttenavseptember.

Fasilitetar

88 senger fordelt på 2- og 4 sengsrom, og koselege 4-sengsalkover. Straum, dusj og wc inne, eigne rom for hundar. Spisesal, peisestove og bibliotek. Vedfyrt badestamp. Eige ølbryggeri.

Geiteryggen turisthytte DNT er eigd av DNT Oslo og omegn.

www.geiterygghytta.dnt.no