Vidasete opp!

Om

Sognefjordens flottaste motbakkeløp vert arrangert i Feios. Løpet er ope for deltakarar i både trim- og konkurranse klasse, og tilskodarar. Her kan du visa kva evner du har i motbakkane, og konkurrera om bestetider, du kan ta ein roleg trimtur saman med familien eller naboen, i nydeleg natur, og med ei utruleg fantastisk utsikt som premie på toppen. Du kan og velja å vera sosia,l og fylgja løpet ved startområdet på Lunde, der du kan nyta kaffi, brus og vafler som elevbedrifta byr på, eller du kan smaka heimelaga is frå Alm Gard, samtidig som du mottek kontinuerlege oppdateringar frå løpet.

Startarenaen er Lunde. Ein høgdegard i Feios som ligg 400 moh. Startområdet ligg like ved det spesielle steinhuset som er verdt ein liten kik. Dette huset kan du lesa om på sidene til fylkesarkivet Sogn og Fjordane.

Total lengd på løpet er 4,5 km. Stigning frå 400- 1227 moh.

På veg oppover i løypa passerer ein fleire stølar, før ein endar på toppen og Vidasethovden som ligg 1.227 moh. Her er ei fantastisk utsikt, og ein ser langt både innover og utover Sognefjorden. Veldig flott utsyn over mot Leikanger og Balestrand.