Luster

Der Europas lengste fjord, Sognefjorden, strekkjer seg innover i landet i møte med Jostedalsbreen og Jotunheimen, ligg Luster kommune. Ein stor kommune, som i ei utstrekning på 2702 km2 er mellom dei største kommunane i Sør-Noreg. 

Bygdesamfunn

Luster kommune har mange bygdesamfunn med kvar sine særpreg. Gaupne er kommunesenteret med gode servicetilbod, bu på Gaupnetunet og besøk Lustrabadet som er moro for både liten og stor. Marifjøra vart til liks med Solvorn bygt opp i ei tid med sjøvegen som kommunikasjonskanal, og har også eit svært verdifullt bygningsmiljø. I den vetle bygda Marifjøra kan du bli med på kajakk med Fjord Seal og overnatte på Marifjøra Sjøbuer. 

Innover fjorden mot Høyheimsvik kjem du til Luster Fjordhytter med Luster Fjordspa og Viki Fjordcamping. Vidare innover mot Luster kjem du til Døsen Gard som har Glamping, og ikkje gløym å reis innom Lustrabui bakeri som lagar enromt gode bollar og brød.