Leikanger

Leikanger kommune ligg mellom fjord og fjell i hjartet av Sognefjorden. Kommunen grensar mot Balestrand i vest og Sogndal i aust. Leikanger har cirka 2200 innbyggjarar.

Det næraste regionsenteret er Sogndal som ligg 20 minutt køyretid unna.

Leikanger er den 4. støste fruktkommunen i landet. Om lag 80.000 tre med eple, pærer og plommer er i produksjon og blomstrar kvar vår. Biene i Leikanger produserer fantastisk honning og på den lokale butikken kan du få kjøpt lokalprodusert honning.

Dei seinare åra har det vore ei auka satsing på dyrking av bringebær og langs med vegen kan du, om du er riktig heldig, kjøpe flotte bringebær om hausten.

Jordbruk i 4500 år

Frå gamalt av har området vore kalla "Systrond". Namnet, som framleis er i bruk, har vorte tolka som "Strondi der det syder av varme". Systrond har vore jorbruksland i meir enn 4500 år. Fleire storgardar vaks fram og vart sete for kongar og høvdingar. Bautasteinar, gravrøyser og mange fornminne frå utgravingar vitnar om busetnad i mnage tusen år. 

Reis miljøvenleg til og frå Leikanger!