Flåm

Velkomen til Flåm

Flåm er ein heilårsdestinasjon rik på aktivitetar og kulturelle skattar. Omkransa av stupbratte fjellsider, buldrande fossefall og tronge dalar er Flåm eit paradis for deg som søkjer naturopplevingar det ikkje finst makan til i heile verda. Enten du søkjer fart og spenning, ro og rekreasjon eller er ute etter ei lokal smaksoppleving – her er noko for alle uansett alder og årstid.  

Den største attraksjonen i Flåm er Flåmsbana som er ei av verdas brattaste jernbanestrekningar og byr på vill og storslått natur. Flåmsbana blei kåra til «the world’s most incredible train journeys 2014” av Lonely Planet Magazine.  

Bli med på ein minnerik båttur frå Flåm til Gudvangen i det som er omtalt som verdas beste reisemål – dei norske fjordane. Vakre Nærøyfjorden vil syna deg kvifor den har fått plass på UNESCOs verdsarvliste. Du kan også bli med på guida kajakk og RIB-turar i området. 

I tillegg til fjordruter, er det også vegforbindelsar til Undredal og Gudvangen. Undredal er kjent for stavkyrkja og for den kvite og brune Undredalsosten.  

Reis miljøvennleg til og frå Flåm, Aurland og Gudvangen.