Hovudattraksjonen i Sognefjordområdet er naturen, og alt som knyter seg til den. Sognefjord byr på ein svært variert natur med vidope fjordlandskap, frodige dalar, tronge fjordarmar, massive fjellrekkjer og blåe brear. Her finn du både små, idylliske fruktbygder, moderne samfunn og einslege fjellgardar.
Sognefjord byr også på spennande kultur med nasjonale kulturskattar. Fem av dei eldste stavkyrkjene i Norge ligg her, og den aller eldste (Urnes) står på UNESCO si liste over dei mest verneverdige kulturminna i verda.
Ingen andre stader i verda har du så kort og framkommeleg veg frå fjord- til brelandskap. Fleire av dei majestetiske breane kan du oppleve på nært hold i Sognefjord.
I Sognefjord finn du fem av dei eldste stavkyrkjene i landet. Borgund Stavkyrkje er den mest kjende, medan Urnes Stavkyrkje er den eldste og står på UNESCO si verdsarvliste.
Sognefjorden er omringa av høge, majestetiske fjell, og dei fleste vegane inn og ut av dette området går difor gjennom vakre fjellområde. Her kan du gå fotturar, klatre, gå på ski og fiske, eller nyte den friske lufta og den imponerande utsikta.
Fleire stader i Sognefjord kan du besøke spennande og heilt unike opplevingssenter og museum. Dei fleste av desse er nært knytte til den spesielle naturen ved Sognefjorden, og er såleis også med på å forsterke naturopplevingane.
Fleire stader ved Sognefjorden kan du oppleve majestetiske fossar som kastar seg utfor steile fjellsider. Fleire av desse er blant dei høgste fossefalla i Norge, og den høgste er Vettisfossen i Årdal.
Ved Sognefjorden ligg Jotunheimen nasjonalpark, Jostedalsbreen nasjonalpark og Breheimen Nasjonalpark, som er blant dei største og mest kjende nasjonalparkane i Norge.
Sognefjorden har fleire spesielle fjordarmar som strekkjer seg inn mellom stupbratte fjell og endar i små, idylliske bygder. Ein av desse fjordane er den verdskjende Nærøyfjorden, som no er oppført på UNESCO si verdsarvliste. Bli med på båtturar og opplev fjordane heile året.
Sognefjord har ein stor variasjon i attraksjonar. Her finn du informasjon om monument, galleri, byggverk og mykje meir.
Er du interessert i kunst og handtverk? Då kjem du til å trivast i Sogn. Her har ein til og med ei eiga kunstbygd; Balestrand.